Меси зема двојно повисока плата од Роналдо

Фудбалерот на Барселона Лионел Меси е најплатениот фудбалер на планетата. Според угледниот француски весник „Екип“, неговата бруто-месечната плата изнесува 8,3 милиони евра. Тоа е двојно повеќе од неговиот најголем конкурент, Кристијано Роналдо од Јувентус, чија плата изнесува 4,5 милиони евра.

Од третото до петтото место на рангирањето се наоѓаат Нејмар (ПСЖ), Антоан Гризман (Барселона) и Луис Суарез (Барселона), кои заработуваат по 3 милиони евра бруто-плата секој месец.

Следни на листата се Герет Бејл и Еден Азар од Реал Мадрид со по 2,5 милиони, додека ѕвездата на ПСЖ, Килијан Мбапе, е осми со 1,9 милиони.