Лионел Меси потврди дека не планира да учествува на следниот фудбалски шампионат кој ќе биде во 2026 година во САД, Канада и Мексико.
Уште по финалето во Катар, Аргентинецот, кој овој месец ќе наполни 36 години, ја објави својата намера.
„Како што кажав и претходно, мислам дека нема да играм на следното Светско првенство. Не знам што ќе се случи со време, но не се предомислив за ова. Би сакал да бидам таму и да ги гледам (натпреварите – н.б.), но нема да учествувам. Откако стигнав до Светското првенство, што ми недостасуваше, задоволен сум и благодарен за кариерата што ја имав. И за мене ова е најважно. Мислам дека го одиграв последното Светско првенство“ – изјави Меси за „China TV“.
Тој се уште не се повлекол од националниот тим, иако одлучи да ја напушти Европа и кариерата да ја продолжи во американското првенство, каде ќе го носи тимот на Интер Мајами.
