424
Педесетгодишен кавадарчанец бил повреден во сообраќајка која попладнево се случила на крстосницата меѓу улицата Никола Минчев и булеварот Македонија во Кавадарци.
Како што изјавиле од СВР Велес за државната агенција МИА, во несреќата се судриле патничко возило Mерцедес, управувано од 36-годишниот Ј.Ј., и Пежо 405, управувано од педесетгодишниот Д.К.
Инаку, Мерцедесот што учествувал во сообраќајката е во сопственост на градоначалникот на Кавадарци, Митко Јанчев, кој не бил во возилото за време на несреќата.