Меган Маркл со ново интервју во кое тврди дека едвај чекале да ја напуштат Велика Британија

Меган Маркл даде ново интервју во кое ги нападна британското кралско семејство, британските медиуми и британската јавност.

Војвотката од Сасекс даде интервју за „The Cut“, во кое рече дека таа и Хари едвај чекале да ја напуштат Велика Британија и дека, според мислењето на некои членови на кралското семејство, тие само ја нарушувале хиерархијата со самото свое постоење.

Меган рече дека таа „се трудела да им опрости на кралското семејство, како и на членовите на нејзиното семејство“, но и дека имала проблеми како Американка во Велика Британија.

Откако кажа дека членовите на кралското семејство сметале дека таа и Хари се само пречка, Меган додаде дека особено ѝ сметало тоа што за нив важеле различни правила.