Медведев: Планетата се приближува кон Трета светска војна, но во неа нема да има победници

Планетата се приближува кон Третата светска војна, но во таа војна нема да има победници, изјави заменик-претседателот на рускиот Совет за безбедност, Дмитриј Медведев.

„Сосема е очигледно дека е започната целосна хибридна војна против нашата земја“, рече Медведев.

Тој истакна дека „американските и европските господари на Украина силно ги пумпаат руските непријатели со смртоносно оружје од секаков вид“.

„Всушност, тие ја водат целата ситуација во Трета светска војна, во глобална катастрофа во која, како што знаете, нема победници“, рече Медведев во обраќањето на Меѓународниот правен форум во Санкт Петербург.