Марјановиќ: Ако ДПМНЕ освои 63 пратеници ќе се вратиме во едноумието

Дали со недај Боже исполнувањето на желбата на Никола Груевски за 63 пратеника во новиот парламент, не ќе завладее повторно едноумието, но сега, во осиромашената Македонија, тоа би било многу пострашно, вели професорот Ѓорѓе Марјановиќ за ПлусИнфо.

-Како едноумието да го заменивме со „двоумие“. Одлуките што се носеа во досегашниот парламент, главно, беа резултата на одлуката на владеачката партија. Превластот на ВМРО ДПМНЕ во парламентот, сосема ги амортизираше сите обиди на поинакви решенија. Затоа, не сум сигурен дека дојде до вистинска промена на политичката сцена, вели Марјановиќ како коментар на 25 години плурализам во Македонија.