Малолетници на мопед удрија во 84-годишен скопјанец, сите тројца се повредени

МВР информира дека вчера попладне во 14:20 часот во СВР Скопје е пријавено дека на бул. „Македонско-косовска бригада“ во Скопје, мопед управуван од малолетник удри во пешакот А.Ч. (84), двајцата од Скопје.

Во несреќата со тешки телесни повреди се здобил А.Ч., а со телесни повреди се здобиле возачот и неговата малолетна сопатничка од Скопје, констатирани во Ургентен центар при комплекс клиники „Мајка Тереза“ Скопје.

Извршен бил увид од увидна екипа од СВР Скопје.