Македонци на протест во САД: Трамп, аман спаси нѐ од Сорос

Македонци од САД вчеравечер се собраа пред кулата на идниот американски претседател Доналд Трамп во Њујорк, барајќи помош за „десоросоизација” на Македонија.

Со транспаренти „ Трамп, на Македонија и е потребна помош, ве молиме заштитете не од Сорос” демонстрантите протестираа пред кулата на Трамп. Велат дека се против поддршката која досегашната американска администрација и амбасада во Скопје и ја дава на фондацијата на Џорџ Сорос и нејзините, како што велат, деструктивни политики.

Фотографиите што се споделуваат по социјалните мрежи предизвикаа лавина реакции во јавноста, особено онаа во која еден демонстрант носи одело на Кју Клукс Клан.