Македонскиот борач Нуров загуби во Токио, но има шанси за медал

Македонскиот борач Могамедгаџи Нуров загуби во четвртфиналето на Олимписките игри во Токио во категоријата 97 килограми слободен стил.

Нуров, кој беше последниот седми македонски спортист со настап на Олимписките игри, денеска рано наутро во првата осминафинална борба го совлада Тунижанецот Мохамед Садуи со 5:0.

Во четвртфиналето, македонскиот борач по голема борба загуби на поени со 6:4 од Кубанецот Раинерис Перез Салас.

Во ваква ситуација, нему сега му преостанува да се надева на борба за медал преку репесаж, но за такво сценарио потребно ќе биде Салас да го совлада во полуфиналето најдобриот светски борач Абдулрашид Садулаев.