Македонската амбасада во Осло не плаќала казни за паркирање

Норвешкиот портал „Ослоби“ (Osloby), портал на угледниот весник „Афтенпостен“, објави листа на десет амбасади во Норвешка кои не ги плаќаат казните за паркирање. На оваа листа Македонија е на седмото место и должи 1.500 евра за казни.

Во листата топ 10 дипломатски претставништва кои се кријат зад дипломатскиот имунитет и се уште не платиле за непрописно паркирање се и Грузија, Мароко, Виетнам, Ирак, Кина, Судан, Пакистан, Иран и Израел, пренесе Мета.

И во 2013 година истиот норвешки весник објавил дека македонската амбасада тогаш должела 21.150 норвешки круни поради непрописно паркирање. Инаку, казната за погрешно паркирање во Осло изнесува 500 круни.