Македонија во иста група со Грција во квалификациите за ЕП

Македонската ракометна репрезентација вечерва ги доби противниците во квалификациите за Европското првенството кое ќе се игра во 2020 година. Македонија ќе игра со Исланд, Турција и нашиот сосед Грција.

Првото и второто место во групата носат пласман на Европското првенство 2020, плус четирите најдобри меѓу третопласираните.

Првиот натпревар Македонија го игра со Турција, а квалификациите ги затвора на домашен терен со Грција, кога ќе има можност да го прослави пласманот на Европското првенство, со оглед на квалитетот на нашите противници.