Македонија го прегази Гибралтар и ќе игра полуфинале за пласман на Европско првенство

Прво место во четвртата група од Д-лигата на Лигата на нации, пласман во поквалитетната Ц-лига и полуфинале на домашен терен во плејофот за ЕП, обезбеди македонската фудбалска репрезентација по вечерашната победа над Гибралтар со 4:0.

Избраниците на селекторот Игор Ангеловски целосно доминираа на „Филип Втори“ и сосема заслужено ги освоија трите бода, а победата можеше да биде и поубедлива доколку се искористеше уште некоја од многубројните шанси.

Стрелци на головите беа Енис Барди (27 минута), Илија Несторовски (67 и 80)  и Александар Трајковски (90+2).