Мајка и ќерка ослободени од Хамас, зошто отишле во Израел?

Откако групата Хамас објави дека ослободила двајца американски државјани од заробеништво во Газа, висок израелски функционер објави дека тоа се Џудит Ранан и нејзината ќерка Натали. Според „Тајмс оф Израел“, двете биле префрлени во Меѓународниот Црвен крст.

-Тие се жители на Еванстон, а во Израел дојдоа овој месец за да го прослават 85 роденден на роднина и еврејските празници – рекол нивен роднина.

Хамас неодамна објави дека ги ослободил американските граѓани од хуманитарни причини. Еден од функционерите на таа група рече дека тоа е нивна добра волја.