Лукаревска: Меѓу неплаќачите на данок има и медиуми

Основното јавно обвинителство води предистражна постапка во врска со компаниите што биле поштедени од обврската да плаќаат данок, а ние им стоиме на располагање за се што е потребно, изјави директоркта на Упрвата за јавни приходи, Сања Лукаревска, во интервју за телевизијата 24 вести.

-Моментално, правиме анализа на сите евиденциски состојби во Управата за овие компании – рече Лукаревска, додавајќи дека се работи за 47 компании кои, со помош на двајца вработени, ја избегнувале обврската да плаќаат данок на добивка во 2015 и 2016 година во милионски суми.

Како што посочи таа, станува збор за компании од различни сектори, меѓу кои градежниот, угостителскиот, но и медиумскиот сектор.