ЛП: Попоски нека си го оградува партиското седиште, а не границата

by Фокус
Либералната партија со осуда на изјавата на министерот за надворешни работи Никола Попоски дека Македонија ја разгледува можноста за изградба на ограда на својата граница по примерот на Унгарија, за да го сопре големиот прилив мигранти.

– Го определивте ли и новинарот што ќе сопнува бегалци со деца во рацете – прашува претседателот на Либералната партија, Ивон Величковски.

Тој бара одговор од министерот и Владата кога почнале да ја разгледуваат ваквата опција, по чие овластување и по чија иницијатива.

Од Либералната партија велат дека оградувањето на границата е бесмислица. Затоа, министерот Попоски може да размислува за поставување жичена ограда околу седиштето на ВМРО-ДПМНЕ, а не на македонско-грчката граница“, изјавил претседателот Величковски по синоќешната седница на извршниот комитет на ЛП.

Поврзани новости