Шеесет и шестгодишен гостиварчанец лажно се преставувал дека е инспектор од МВР за да влезе во канцеларијата на јавниот обвинител, информираа од полицијата.
Според информациите објавени во билтенот, надворешната канцеларија за криминалистички работи Гостивар поднела кривична пријава против Б.З.(66) од Гостивар поради постоење основи на сомнение за сторени кривични дела “насилство” и “лажно преставување”.
На 26.03.2018 година околу 13,00 часот во Гостивар во зградата на јавното обвинителство, откако на пријавениот му било укажано дека јавниот обвинител не можел да го прими, истиот лажно се претставил дека е инспектор од МВР, по што се обидел насилно да влезе во канцеларијата на јавниот обвинител, упатувајќи притоа навреди кон јавниот обвинител.
По интервенција од страна на полициски службеници од судска полиција, пријавениот бил отстранет од зградата на јавното обвинителство.