Лавров: Не обвинија дека се мешаме во Македонија, но не ни доставија докази

Не се доставени никакви докази за мешање на Русија во прашањето за промена на името на Македонија, изјави денеска рускиот министер за надворешни работи Сергеј Лавров за време на Минхенската конференција за безбедност.

– Бевме обвинети дека се мешаме во проблемот со промената на името на Македонија, но не ни доставија никакви докази – рече Лавров, истакнувајќи дека односите меѓу Русија и Западот ги имале сите шанси за успех, меѓутоа, според него, изборот бил направен во корист на натоцентризмот.