Москва „нема да им прости“ на САД што одбија да им дадат визи на руските новинари кои го придружуваат шефот на руската дипломатија Сергеј Лавров во понеделникот и вторникот за време на неговата посета на ОН, изјави министерот за новинарите пред да замине за Њујорк.
Нема да заборавиме, ниту да простиме“, им рече Лавров на новинарите, осудувајќи ја „глупавата“ и „кукавичка“ одлука на Вашингтон.
Лавров и членовите на неговата делегација, со исклучок на новинарите, добија американски визи за учество на настани во Обединетите нации во текот на следната недела, изјави во понеделникот постојаниот претставник на Русија во Обединетите нации Василиј Небензја.
„Земјата која се смета и се нарекува себеси за најпаметна, најсилна, најслободна и најправедна „се исплаши“ и направи нешто глупо“, рече Лавров иронично поради фактот што САД одбија да им издаваат визи на руските новинари. Тој смета дека тоа покажува „колку вредат нивните изјави за слободата на изразување“.
Претходно во неделата, неговиот заменик Сергеј Рибаков рече дека и покрај „повторените контакти во последните неколку дена“ на иницијатива на Москва, Вашингтон „не им издава визи на новинарите кои требаше да го придружуваат Лавров на неговото патување“ во САД.
„Тоа е скандалозен и апсолутно неприфатлив метод“, тоа е „исмејување“ на САД кои, според него, „се преправале дека работат на изнаоѓање решение“. Но, ние ќе најдеме одговор на тоа за Американците уште долго да паметат дека такви работи не се случуваат“, предупреди Рјабков.
