Косовскиот премиер Албин Курти на средбата со министерот за надворешни работи на Грција, Никос Дендиас побарал без одлагање и безусловно да се спроведат основниот договор за нормализација на односите со Белград и анексот за имплементација, јавуваат приштинските медиуми.
Курти и Денсиас се сретнаа на вториот ден од Економскиот форум во Делфи, а разговараа и за очекувањата од средбата меѓу Белград и Приштина на 2 мај во Брисел, која ќе се одржи со посредство на ЕУ, соопштија од кабинетот на Курти.
Се додава дека се разговарало и за резултатите и важноста од одржувањето на изборите во четири општини на северот на Косово и Метохија минатата недела, како и за натамошното подобрување на односите, особено економските, меѓу Грција и Косово.
Грција е една од петте членки на ЕУ кои не ја признаваат самопрогласената независност на Косово и се воздржаа на 24 април кога се гласаше на состанокот на Советот на министри на Советот на Европа за барањето на Приштина за членство во таа организација.