Кривична против кумановската фирма „Нова градба“ затоа што бесправно му изградила куќа на македонски иселеник

Иселеник од Куманово со привремен престој во Швајцарија ќе одговара за бесправно градење затоа што подигнал станбена куќа со деловни содржини од втора категорија на улицата „Христијан Тодоровски Карпош“. Кривична пријава е покрената и против Друштво за градежништво, производство трговија и услуги “НОВА ГРАДБА” ДООЕЛ, од село Липково, како изведувач на градежните работи, и против управителот на фирмата, 30-годишниот Г.Р.

Според полицијата во 2016 и 2017 година во Куманово прво и второпријавениот изградиле семејна стамбена куќа со деловни содржини од втора категорија со отстапувања и спротивно на издаденото одобрение за градење и заверениот основен проект.