Кралицата Елизабета слави “сафирен јубилеј” на престолот

Британската кралица Eлизабета Втора одбележува неверојатни 65 години поминати на престолот на Обединетото кралство. На своја деведесет годишна возраст таа го прослави “сафирниот јубилеј”, што ја направи првиот британски монарх со најдолг стаж на престолот.

„Сафирниот јубилеј“ е прв во историјата на Велика Британија, а одбележувањето на овој рекорд ќе помине без службени церемонии. Во Лондон е најавено дека денот на новиот кралски јубилеј ќе се одбележи со артилериски истрели, како и со мала свечена парада на кралската коњица која ќе продефилира со топови од Првата светска војна.