Коѕиас доаѓа во посета на Скопје

Грчкиот министер за надворешни работи Никос Коѕиас на 31 август ќе го посети Скопје.

Како што објави МИА, посетата на Коѕиас на Скопје кон крајот на август беше најавена уште за време на престојот на шефот на македонската дипломатија Никола Димитров во Атина во јуни годинава.

Засега нема официјална потврда од грчкото МНР за датумот на кој Коѕиас ќе престојува во Скопје, но некои грчки медиуми, повикувајќи се на свои извори, тврдат дека прашањето за името ќе биде главна тема за која ќе разговараат министрите за надворешни работи на двете земји.