Клековски потврди дека влегува во раководството на ВМРО

Политичкиот аналитичар Сашо Клековски, кој дваесетина години е на раководни позиции во граѓанскиот сектор, ќе влезе во новиот Извршен комитет на ВМРО-ДПМНЕ.

Тој за Фокус потврди дека ќе стане дел од раководството на опозициската партија и најави дека изјава ќе даде по завршувањето на седницата на Централниот комитет, пред кој партискиот лидер ќе предложи нови членови на ИК, како и потпретседатели.

Инаку, веќе објавивме дека нов член на ИК ќе биде и докторот Ристо Симеонов, а нови потпретседатели, покрај Александар Николоски и Владо Мисајловски, ќе бидат градоначалникот на Аеродром Тимчо Муцунски и поранешната дополнителна заменичка-министерка за финансии Гордана Димитриеска – Кочоска.

В.С.