Новиот лидер на СДСМ, Димитар Ковачевски кој денеска официјално ја презеде функцијата од досегашниот претседател Зоран Заев на својот фејсбук профил напиша дека ова за него преставува огромна чест и одговорност
„Се обврзувам да ја водам партијата чесно и одговорно. На досегашниот претседател Зоран Заев му се заблагодарив за храбрите одлуки кои ги донесе за државата и успешното раководење со СДСМ, посакувајќи му многу здравје и среќа во личниот и професионалниот живот.
Му ветив дека ќе ја негувам социјалдемократијата, силно ќе го штитам единството, слободата и демократијата, а СДСМ ќе остане столб на државноста. Нашата партија го има најдобриот кадровски потенцијал. Ветувам дека ќе изберам мудро и одговорно раководство кое ќе не однесе во нови победи и ќе работи посветено во интерес на сите граѓани. Веќе од утре започнувам со првите партиски активности и реорганизација“, истакна Ковачевски.