623
На територијата на Република Македонија, во текот на вчерашниот ден се санкционирани 282 возачи на мотоцикли, 169 од нив не користеле заштитна кацига за време на возење а 51 возеле без возачка дозвола, информираат од Министерството за внатрешни работи.
Вкупно 17 мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.
Од вкупната бројка, 45 прекршоци што ги чинат возачите на мотоциклисти биле евидентирани во Скопје.
Од МВР апелираат до сите учесници во сообраќајот да ги почитуваат сообраќајните правила и прописи со цел заеднички придонес за побезбедни патишта и напоменуваат дека засилените акциски контроли продолжуваат и во наредните денови.