Кај кои фирми легнале парите од државна помош за исплата на плати од 14.500 денари?

Телевизијата Телма дојде до листата на фирми кои добиле финансиска помош од државата за исплата на априлската плата од 14.500 денари за справување со последиците од Ковид 19.

Државни пари – околу 106.000 евра легнале на сметката на Брако од Велес, каде што се врати поранешниот вицепремиер Кочо Анѓушев откако одлучи да се посвети на бизнисот наместо на политиката.

На листата со фирми кои имале големи исплати е и Аџибадем Систина на Орце Камчев која добила 142.000 евра. Меѓу компаниите кои земале по над 100.000 евра се многу обложувалници и казина.