„Прочитав премногу недолични коментари, од поддржувачите на актуелното раководство и од критикувачите на актуелното раководство. Добив премногу прозивки и прашања за мојот став околу последните случувања во братска, пријателска Р.Турција. Мојот став е: нашите браќа и пријатели кои живеат во Р.Турција имаат државнички, морален огромен капацитет да препознаат и одлучат што е најдобро за нивната држава и нивниот народ, тврди актерот Един Јакуповиќ.
– Не правете го тоа што не сакате да ви го прават. (Протестирате поради мешање на други интереси на држави и народи во нашата татковина, недвосмислено се мешате во интересот исклучиво на сопствениот народ во Р.Турција). Пријатели, би пишувал со денови да ве запознаам со проблемите на нашите сограѓани, браќа, сестри, другари, другарки: Турци, Роми, Албанци, Македонци, Власи, Босанци, Срби, Бугари и сите останати заедници во Р. Македонија, можеби кога овие проблеми нема да постојат ќе имам морален кредибилитет да говорам за проблемите пошироко од нашата татковина, дотогаш извинетеме што нема да манипулирам или бидам манипулиран со недолични коментари.. – истакна Јакуповиќ.
Според него, Македонија има режим за рушење, кој ги дава последните знаци на опстојување, РЕЖИМОТ МОРА ДА ПАДНЕ!
