Изгаснати се сите пожари, велат од ЦУК

by Фокус 20:56
20:56

Центарот за управување со кризи соопшти дека вечерва до 19 часот нема активни пожари. Пожарот во селата Вапила и Сирула, охридско, е локализиран во 14:50 часот, a, како што посочуваат од ЦУК, изгаснати се уште три други пожари.

„Изгаснати се пожарите во кумановското село Сопот, каде беше запалена шума. Од 16:00 до 19:00 часот интервенирано е со едно возило и пет пожарникари. Пожарот од 10:25 часот што избувна кај бензиска пума Детоил во Куманово, каде гореше сува трева, е изгаснат во 11:10 часот со едно возило и четири пожарникари. Пожарот во кумановското село Шупли Камен, каде гореше сува трева, е изгаснат во 14:40 со едно возило и четири пожарникари“, велат од ЦУК.

Поврзани новости