Иво Вајгл: Стравувам дека ваква шанса Македонија нема да има никогаш повеќе

Во разговор со МИА европратеникот и известувач за Македонија во Европарламентот, Иво Вајгл, го критикува “негативниот став“ на опозицијата кон решението за спорот за името и вели дека стравува оти овој референдум може да е “последна шанса“.

– Мислам дека сега е момент кога сите треба да застанат на иста страна, на страна на долгорочниот интерес на Македонија. Затоа што тешко е да се поверува дека некогаш повторно ќе се укаже така поволна прилика и дека ќе добие поддршка од сите меѓународни фактори за влез на Македонија во ЕУ и НАТО. Ако не успее овојпат се плашам дека е ова последна шанса, истакнува Вајгл.