Иванов, Шилегов и Мицкоски на литургија во храмот „Св.Климент Охридски“

Во Соборниот храм „Св. Климент Охридски“ во Скопје денеска се одржа литургија по повод големиот празник Рождство Христово – Божик со која чиноначалствуваше поглаварот на Македонската православна црква – Охридска архиепископија г.г.. Стефан.

На литургија присуствуваа голем број верници меѓу кои и претседателот на државата Ѓорге Иванов, градоначалникот на Град Скопје, Петре Шилегов и лидерот на опозициската ВМРО-ДПМНЕ, Христијан Мицкоски.

По завршувањето на литургија тие на граѓаните со православна исповед им го честитаа Божик и им посакаа здравје, радост и среќа, мир и благосостојба.