Иванов: Претседатели на држави ме информираа за сценаријата во Македонија

Шефот на државата Ѓорге Иванов во интервју во Дневник истакна  дека „претседатели на држави“  го информирале за сценарија во Македонија, но одби да ги именува.

– Не само што сме перманентно известувани од партнерските служби, туку и претседатели на неколку држави лично ми соопштија детали за сценарија што се подготвувани за Македонија и за она што допрва не очекува. Има информации и од нашите служби кои сега не можам да ги соопштам јавно. Треба да се знае и дека беа мобилизирани и активирани и одредени криминални структури и поранешни затвореници за да прават нереди и насилство во државата. Нашите служби заслужуваат пофалба за тоа што информираа и превенираа навреме – вели Иванов, во интервју за весникот „Дневник“.