Иванов: Крајно време е светот да се обедини за споделените вредности

Претседателот Ѓорге Иванов, денеска во амбасадата на Република Турција во Скопје се потпиша во книгата на жалост, отворена по терористичкиот напад на аеродромот во Истанбул, соопштија од неговиот Кабинет.

-Во овие тешки моменти Република Македонија е солидарна со Република Турција и ве охрабрува решително да се соочите со заканата од тероризмот во заштита на слободата, безбедноста и вредностите на вашите граѓани и поредокот на вашата држава. Крајно време е светот да се обедини во одбрана на споделените вредности. Нашите мисли и молитви се со вас и со семејствата на жртвите, напишал претседателот Иванов во отворената книга на жалост во амбасадата на Република Турција.