Иванов ја повлече аболицијата за 22 од вкупно 54 лица

Претседателот на државата Ѓорге Иванов ја повлече аболицијата за 22 од вкупно 54 лица, колку што аболираше пред еден месец со цел, како што најави, национално помирување и окончување на кризата.

Тој истакна дека и другите аболирани може да ја искористат законската можност да побараат повлекување на одлуката за аболиција, но не кажа по кој критериум ја повлекол аболицијата токму за овие 22 лица.

Ова следува по жестокиот притисок од домашната опозиција и меѓународната заедница за повлекување на аболицијата, а таква законска можност му обезбедија владејачките ВМРО-ДПМНЕ и ДУИ.