Италијански виролог: Третиот бран на Ковид-19 е извесен

Трет бран на пандемијата на коронавирусот е извесен и се очекува во првите месеци од следната година, тврди познатиот италијански виролог, професор Андреа Крисанти.

Тој актуелната здравствена ситуација во Италија ја оцени како „тешка, но стабилна“.oronaСпоред него, Италија сега минува низ втор бран на пандемијата на Ковид-19, но експертите веќе гледаат однапред и проценуваат можни последици од третиот бран на инфекцијата, чиј пик се очекува во првите месеци од следната година.

– Иако кривата на заразата се намалува, не смееме да ги ублажуваме рестриктивните мерки, бидејќи треба да поминат месеци пред евентуалната масовна вакцинација на населението да покаже резултати, тврди професорот Крисанти.