Ископани се гранати во канал пред Основен суд – Гостивар

Пет експлозивни тела од непознато потекло се откриени при изведување на градежни работи во близина на Основен суд – Гостивар.

Очевидци потврдиле дека утрово околу 9 часот, при копање на канал на улицата „Живко Брајковски“ спроти судската зграда, машина за ископ на земја на длабина од половина метар извлекла метални тела, за кои се претпоставува дека се боеви гранати.

Во моментов полициски службеници го обезбедуваат местото и се очекува увид.

Неофицијално, се работи за артилерски гранати кои најверојатно потекнуваат од времето на Втората светска војна.