Дау Џонс падна за 1.862 поени или 6,9 проценти, додека Насдак падна за 5,3 проценти.

Индексот Стандард и Пурс падна за 5,9 проценти, што е најлош резултат во еден ден од средината на март кога акциите паѓаа нагло поради воведувањето рестриктивни мерки за борба против коронавирусот.

Како што пренесуваат странските медиуми, бројот на заразени со вирусот повторно расте во САД, како резултат на пообемни тестирања, но и послободно движење на луѓето и обновување на деловните активности.

Според официјалните податоци, бројот на заразени лица во САД надмина два милиона.