И Франција бара најбрзо можно решение на спорот меѓу Македонија и Бугарија

Францускиот амбасадор во земјава, Сирил Бомгартнер, смета дека европскиот интерес се повеќе се засилува во насока да се најде решение во меѓу Македонија и Бугарија во што е можно пократок рок.

– Ќе кажам дека и други институции и земји членки на ЕУ не беа толку гласни, затоа што требаше да бидеме многу ефикасни. Мислам дека сите се свесни дека таа блокада треба да биде тргната колку што е можно побрзо во наредниот период и тоа е нели вештината да гледаме подалеку за да може земјата да го надмине овој ќорсокак и мислам дека времињата сега се сменете. Најважно е што постои политичка волја и таа политичка волја јас ја чувствувам за да се стигне до таа цел – вели тој на ТВ 21.