Поранешната шкотска премиерка Никола Старџен е уапсена како дел од полициската истрага за финансиите на Шкотската национална партија (СНП).
Портпаролот на полицијата на Шкотска изјави: „Една 52-годишна жена е уапсена денес, недела, 11 јуни 2023 година, како осомничена во врска со тековната истрага за финансиите на Шкотската национална партија. Жената е во притвор и е испрашувана од полициските шкотски детективи“, објави Дејли Меил.
Старџен, која поднесе оставка како премиер и лидер на СНП на почетокот на април, е третата личност која е уапсена како дел од операцијата Branchform, истрагата на полицијата во Шкотска за наводите дека партијата незаконски потрошила повеќе од 600.000 фунти од донации во кампањата за независност. .
Нејзиниот сопруг, Питер Мурел, поранешен извршен директор на СНП, беше уапсен на 5 април во нивниот дом во Адингстон, во близина на Глазгов, и со него беа интервјуирани повеќе од 12 часа пред да биде ослободен без обвинение, пишува Гардијан.
Полицијата им ја пребарала куќата и градината, а по наредба извршила претрес и во седиштето на СНП, при што извадила кутии со документи и компјутери.