Химната на ВМРО синоќа ечеше од партискиот штаб

Од централниот штаб на ВМРО-ДПМНЕ во Центар синоќа околу полноќ на разгас се пушташе химната на ВМРО. Членовите на партијата пак, славеа со автомобили по скопските улици, со свирење и развиорени партиски знамиња.

Градоначалникот на Центар, Андреј Жерновски, објави видео од близина на штабот на ВМРО-ДПМНЕ на кое се слуша химната на ВМРО. Од партијата велат дека со пуштањето на партиската химна не направиле никаков проблем, ниту некој од жителите на Центар се побунил поради вознемирување.