Хан доаѓа во вторник во Скопје за новата лидерска средба

Јоханес Хан, еврокомесар за проширување и соседска политика, ќе допатува во Скопје во вторник, кога треба да продолжат преговорите меѓу партиските лидери за надминување на политичката криза.

– Тој пред политичките партии ќе ја потенцира итната потреба за изнаоѓање на решение за надминување на кризата што е можно побрзо и ќе ја посочи потребата на осврнување на некои клучни предизвици со кои се соочува земјата – изјави за Нова портпаролката на еврокомесарот Маја Коцијанчиќ.