Груби: Верен сум му на Ахмети

Пратеникот Артан Груби се огласи со реакција на пишувањата низ медиумите, според кои, тој го застапува крилото на ДУИ кое се залага за нова коалиција со ВМРО-ДПМНЕ.

-Забележувам злонамерно, тенденциозно и интригантно оговарање во врска со личните ставови околу постизборната ситуација во земјава. Затоа сакам да ве уверам дека ниту сум бил некогаш, ниту сум денес, и нема ни да бидам некогаш ниту со ВМРО ДПМНЕ ниту со СДСМ, туку сум верен на моите национални убедувања во целосна поддршка на заедничката албанска изјава, мојот лидер Али Ахмети и на ДУИ- напиша Груби на својот Фејсбук профил.