Грчки државјанин загина откако со возило излетал на патот Прилеп-Градско

Грчки државјанин вчера загина откако со возило излетал на патот Прилеп-Градско, а од полицијата бил извршен увид на лицето на несреќата.

„На 04.01.2021 во 13.30 часот на патот Прилеп – Градско, во близина на с.Тројаци, патничко возило „нисан“, со грчки национални ознаки, управувано од А.Л.(69) од Република Грција, излетало од патот, соопштија од МВР.

По незгодата, А.Л. бил пренесен во Здравствен дом „Борка Талески“ во Прилеп, но по кратко време починал.

Извршен бил увид на местото на незгодата од увидна екипа од Полициската станица Прилеп и Јавен обвинител, по чија наредба телото на починатиот било дадено на обдукција“, велат од МВР.