Голем пожар што во неделата попладне избувна во областа Чонос кај Ситија на Крит и натаму е активен, а пожарникарите цела ноќ се бореа со огнената стихија.
На терен се ангажирани 105 пожарникари со 35 возила и пет пешадиски единици. По разденувањето се очекува повторно да продолжи гаснењето од воздух.
Пожарот во текот на неделата се проширил кон областа Каридија, поради што властите продолжиле со превентивни евакуации и издавање предупредувања до населението.
Во еден момент огнот се приближил на околу 500 до 600 метри од едно од селата, но промената на правецот на ветерот го оддалечила огнениот фронт од населените места.
Преку бројот 112 биле предупредени жителите на Келарија, Адравастој, Клисидија, Зарко и Азокерамос, со повик за зголемена претпазливост.
Подоцна ново предупредување добиле и жителите на областа Закрос, на кои им било наложено да се евакуираат кон Ксерокампос.
Градоначалникот на Ситија, Јоргос Зервакис, изјавил дека ситуацијата е особено тешка.
Според него, во областа дува ветер со јачина од околу пет степени според Бофоровата скала, додека честите повторни избивања на огнот дополнително го отежнуваaт гаснењето.