Го заборавиле Тошта на изрекување на пресуда, самиот се јавил во полиција да го донесат

Судот го заборавил Александар Јаневски Тошта да го спроведе со полициска асистенција на денешното изрекување на пресудата во случајот за обидот за убиство на пратеникот, Зијадин Села.

Бидејќи Тошта се уште не е донесен, пресудата ќе биде изречена малку подоцна од планираното. Во Кривичниот суд се присутни останатите обвинети кои чекаат објавување на пресудата, известува репортерот на „Фокус“ од терен.

Како што дознава „Фокус“, Јаневски самиот се јавил во полиција и побарал да биде донесен во Кривичниот суд. Тој не смее на своја рака да го напушти домот затоа што му е одреден куќен притвор.

В.В.