ГАЛЕРИЈА: „Стјуардесите“ на Мак Аутостар го претставија автомобилот на иднината – новата E-Class

„Тимот или во овој случај екипажот на Мак Аутостар им приредува првокласен дочек на сите VIP гости во салонот на Мак Аутостар, впрочем како што и доликува на моментно најлуксузниот автомобил во својата класа. Преку новата E-Class, Mercedes-Benz отвора ново поглавје во иднината на автомобилската индустрија, претставувајќи го најинтелигентниот автомобил со мноштво техничко-технолошки иновации, изјави директорот на продажба на Mercedes-Benz патнички возила, Мартин Стошиќ.

Новата E-Class е софистицирана, доверлива и спортска. (Повеќе инфо на www.mercedes-benz.mk/novata_e_class)

Тоа што е невообичаено за кој било автомобил е што новата E-Class се нуди со два сосема различни изгледи на предниот дел на внатрешноста.

Една од верзиите е со централно поставен екран со големина од 12,3 инчи, засега најголем во својата класа и со исто толкава големина на дигитална инструмент табла. Достапни се и три различни дизајни на инструмент таблата и тоа: “Classic”, “Sport” и “Progressive”.  Моментот на избор на бојата на осветлувањето во внатрешноста е уште еден интересен детал, при што на располагање на клиентите им се дури 64 различни видови бои.

На располагање се комфорни и специјално дизајнираните спортски седишта, а за да се доживее уште повеќе првокласаната удобност на новата E-Class, на располагање е и опцијата Warmth&Comfort која нуди греење на наслоните за раце, управувачот, централната конзола, како и брзото загревање на седиштата.

Во споредба со претходникот, должината на меѓуоскиното растојание е зголемено за 65 мм (2939/2874),  додека вкупната должина е зголемена за 43 мм (4923/4880). На располагање се три вида суспензија Comfort, Avantgarde и Sport.

Новата E-Class е единствен автомобил во овој сегмент кој може да биде опремен со воздушна суспензија со повеќе комори.

Преку копчето DYNAMIC SELECT, возачот може да избере една од 4-те пре-дефинирани опции на стил на возење: “Comfort”, “ECO”, “Sport” и “Sport+”. Надополнето со воздушната суспензија – AIR BODY CONTROL како и дополнителната опција “Individual”, новата E-Class дава можност возилото да се прилагоди на сечиј стил на возење.

Нова генерација на помошни системи

Mercedes-Benz со новата E-Class повторно приреди мноштво изнедувања во поглед на врвните технологии и иновации.

DRIVE PILOT: Ова е следниот, нов чекор кон целосното автономно возење. Со помош на оваа опција, автомобилот е во можност самостојно да следи друго возило пред себе на безбедна оддалеченост и тоа до брзини на движење од 210 км/час. На овој начин возачот нема потреба постојано да притиска на педалите за сопирање и забрзувања, а возачот добива помош и на управувачот, преку системот Steering Pilot.

Speed Limit Pilot може самостојно да ја прилагоди брзината на движење на возилото, како одговор на информациите за ограничувања на брзината добиени од камерата или од навигацискиот систем.

Новина кај E-Class е и системот кој овозможува т.н. далечинско паркирање – Remote Parking Pilot.  Овој систем овозможува возилото да биде паркирано без управување од страна на возачот во автомобилот, односно само со помош на мобилен телефон.

Мулти-лед светла со висока резолуција – секое светло е составено од 84 ЛЕД светилки, кои автоматски го осветлуваат патот со прецизна дистрибуција на светлината, без притоа да им пречи на останатите учесници во сообраќајот.

Аеродинамичност

Аеродинамичноста е еден од најважните фактори за исклучителната ефикасност на новата E-Class. Новиот модел поставува нов рекорд во својата класа со коефициент на отпор на воздухот од само Cd 0,23.