Фрлил молотов коктел кон куќа и побегнал

Три часа по полноќ непознато лице фрлило молотов коктел кон куќа во Скопје, информираа од МВР.

Според полицијата, синоќа околу 03,00 часот во Скопје на улица „Зендел Џемаил“ непознато лице фрлило молотов коктел кон куќа сопственост на М.Б.(29), при што е опожарен само комарник од влезната врата.

Од страна на екипа од Противпожарна единица пожарот е изгаснат, а повредени лица нема. Увид ќе се врши во текот на денешниот ден.