Вино и џез со Четкар вечерва во Охрид

Вечерва во Охрид традиционално по 4-ти пат, џез музичарот Владимир Четкар ќе го одржи својот концерт насловен ,,Вино и џез’’.

Настанот ќе се случува во хотел Филип, а Четкар ќе ги изведе своите најпознати авторски дела. Музичарот, кој по потекло е од Охрид, повеќе од една деценија живее во Њујорк, САД, и настапува во светски познати џез клубови.

Претседателот Ѓорѓе Иванов и неговиот син Иван се едни од најголемите обожаватели на музиката на џезерот и често можат да се забележат во публиката за време на неговите концерти.