Фрлена е бомба пред ресторан во Белград, оштетени се три автомобили

Непознато лице фрлило бомба од автомобил на улицата Нина Кирсанова во населбата Звездара во Белград, во близина на ресторанот „Вртешка“.

Како што јавуваат српските медиуми, нема повредени, а оштетени се три паркирани автомобили.

Не е познато дали ресторанот бил мета со оглед на тоа дека бомбата не била фрлена во ресторанот, туку на улицата.

Истрагата е во тек.

Сопствениците на возилото, како што пишува Телеграф.рс., седеле заедно во ресторан кога ја слушнале детонацијата. Тие излегле и виделе дека нивните автомобили се оштетени, а тој што ја фрлил бомбата побегнал од местото.