Фрчковски: Цената на ароганцијата на ДУИ за Законот за јазици ќе ја плати СДСМ

Професорот Љубомир Фрчкоски во вечерашното гостување на телевизија 21 рече дека ДУИ покажала ароганција и нечувствителност при инсистирањето сега и ваков каков што е, да се усвои Законот за јазиците.

-Постои извесна ароганција на ДУИ, која сите ги изнервира. Начинот на кој го буткаа Законот покажа една таква нечувствителност. Таквиот пакет на „земи или остави“, а соочена со такви очигледни слаби решенија во Законот, цената за тоа ќе го плати нивниот политички партнер СДСМ, кој храбро застана зад нив и го избутка сето тоа, но истовремено начинот на кои се однесуваа тие, нема политичко оправдување, рече Фрчковски.