Фоторепортерот на „Фокус“ исклучен од трката за наградата „Жан Моне“

by Фокус 18:31
18:31

Трите фотографии на Томислав Георгиев од „Фокус“ испратени на конкурсот „Жан Моне“ за избор на најдобра репортерска фотографија на тема Европска Унија, не биле земени предвид и не стигнале до жирито за оценка.

Денеска наградата од 1 000 евра беше доделена во просториите на Европската делегација, како организатор на конкурсот, на кој освен професионална се наградува и аматерска фотографија, но и новинарски текст.

- Advertising -

По свеченото доделување на наградите беше организирана изложба на сите пријавени фотографии, но таму не беа изложени и тие на фоторепортерот на „Фокус“.

eu2

Тоа било доволно за Георгиев да се запраша зошто ги нема неговите фотографии. Од ЕУ инфо центарот добил одговор дека е направена техничка грешка и неговите фотографии не завршиле пред жирито.

„Јас сум оштетен, пред се затоа што, во македонски услови наградата е пристојна, па се потрудив да направам неколку фотографии за кои вложив и време и пари. Но најважно од се е дека го вложив мојот профсионален труд и со денови се посветив на тоа. Хипотетички може ќе ја освоев наградата. Немам ништо против колегите кои се наградени, но мене лично ми е направена штета. Не сакам надлежните за конкурсот да се правдаат дека со мојата јавна реакција би се девалвирала наградата или пак, дека нема да постоела во иднина“ – вели Георгиев.

eu3

Инаку тој аплицирал навремено според правилата на Европската делегација, но се уште му е нејасно што значи тоа техничка грешка на организаторот. Најавува дека ќе реагира и до Евро- амбасадорот Аиво Орав кој денеска лично ги предаваше наградите.

Конкурсот „Жан Моне“ се организира по 12-ти пат во Македонија и има за цел да ја поттикне и поддржи репортерската фотографија.

Инаку, наградата ја доби Ѓорги Личовски од неделникот Република, а за аматерска фотографија беше награден Виктор Поповски.

eu nagradena gore levo

За најдобар новинарски текст беше избран текст на Синиша Станковиќ.

Поврзани новости